2010年11月5日星期五

第五天.名古屋港

2009年11月17日(星期二)
名古屋
雨,溫度7-15度
********
舒適、熟悉的東橫Inn房間內,訓到大約0700時便起床。今天預定的行程有多個,包括可去犬山、寂光院及博物館明治村看紅葉,又或考慮臨時加插熱田神宮的行程,不過因為下雨,還是選了去名古屋港的水族館。

起身有人除了食奶,就係開著電視睇NHK教育台的兒童節目時段,然後到0830時先落樓下吃個東橫早餐,這裡除了飯團外,還有大量多士供應呢!

大約0930時出動,乘地鉄到名古屋港駅(@260yen),車程約20分鐘,但係站入面,竟然見到有個牌寫著「本日休館日です」,有無攪錯!Check清楚哂先黎架喎!
唔信邪,反正黎到就照出站,外面雨勢都幾密,去到Jetty(水族館前的商場)有個詢問處,先問問那位小姐,原來今日係有開架喎,雞同鴨講話比佢知車站入面有個"老點"牌後便繼續我地o既行程,水族館去(入場料@2000yen)!雖然已經去過海洋公園,但這裡感覺又唔同啊,很大的魚缸啊,一進去便有海豚和白鯨啊!
望多兩望,時間差不多,要上樓去霸位睇海豚表演喇!不過可能學校團體多,正中的位置上到去已經給坐滿,只好選了在側邊但最前的位置坐。大約20分鐘的表演,配合高台上的攝影師失驚無神的拍過來,即時反映在前方的大屏幕上,很有氣氛啊!而表演的海豚在前方很近地游過,看得小朋友也很興奮。
表演完畢,又回到下層看看,逛逛下,有人眼訓囉,而且時候都不早快1300時,要找地方吃午飯了!
在2階的餐廳吃午飯,有人睡到人家快吃完才醒來,攪到要再叫東西給他吃。吃完午飯步出餐廳,訓醒了果個見到有很多扭蛋機,開心雀躍到不得了,仲不知那來的直覺,問爸爸拿錢去兩替機換散紙,全程還要是自學的,呢個會唔會係敗家的開始呢?唔扭唔心息,卒之都係要扭左d野先肯行去玩第二樣。
然後到地下的觸摸海星體驗,設備很好啊,水池旁就有洗水盆,觸摸完可以快快洗乾淨雙手啊!最後到賣店買了手信,係時候回名古屋去下一行程了!

1 則留言: