2010年11月3日星期三

第三天.伊賀の里モクモク手づくりファーム

只5分鐘左右車程,便到達目的地了!招牌已經看到了,但應該停係邊呢?原來星期日都好多人黎呢個農場BBQ架喎,途中有些大叔拿住指揮棒指揮交通,於是被指點泊車去一條斜路的最盡頭處。點知......住宿的地方,原來就在第一個路口那邊......
沿途經過的地方屬農場範圍,其他人進入好像是要給入場費的,但住宿的話就已包了在內。但由於推著兩架BB車,有些坂道有幾級的都幾唔方便。邊行邊搵,最終還是回到最初見到我路口,這裡和剛才泊車位置相比,一個在山坡上,一個在山坡下,不過黎緊條路呢,又到上斜喇!路口的看板寫著"年齡坂",標示行去登記處てるてるハウス距離95米約180步,可消耗6卡路里,另外仲有d staffs的例子添。
6個人消耗左24卡路里(有兩個坐BB車零消耗嘛!)終於到達登記處,入面有很多玩意。由於登記的任務落在爸爸身上,於是Gabby和溍溍呢,玩玩玩......過不停。
聽取了一大輪介紹和指示後,比埋住宿料,還確認了明天大清早的牧場餵馬體驗和已預報的團子製作教室,起行喇!今晚的房間......應該係~屋係38號屋,好意頭啊!
可能係好野,必先勞其筋骨,苦其心志.......原來位置在最頂、最角落的位置,唯有繼續努力推呀推呀(BB車)......到啦!抖順條氣先~ 呢個小朋友做咩你地去開房呀?
一打開門,真係打攪哂喇螳螂先生!原有有隻幾大隻的螳螂係屋內的門鼓位置,此刻,只好安靜地將行李和小朋友運進屋內,然後搵代表出手請走螳螂先生啦!而38號屋呢,原來有名堂架喎,叫「リスとエビフライ」(經爸爸考究過後,相信是指松鼠和一種松子類的東西,但外型似一隻炸蝦咁款,而唔係有邊讀邊咁就係松鼠與炸蝦條之家喎!)
從屋外看覺得屋好像很細小,但原來入去感覺兩樣!如果香港有間咁o既屋買,一家三口住都夠哂,仲要係幾唔錯添!通過玄關位就是小卓子和梳化位置,可以看電視,跟著便是三張大床,旁邊還有化妝枱和搖椅。樓梯上的便是閣仔的榻榻米空間。閣仔對下的位置,中間是洗手盤更衣間,左邊是浴室,右邊是洗手間,正中的天花還有天窗呢!

先弄了點東西給兩個小的吃,不過他們似乎對可以有很多窿窿罅罅可以跑來跑去更感興趣!

2 則留言: